تجربة مجموعة جلوس very me من اوريفليم

اما شفت مجموعة جلوسات 

 Very me Vinyl Lip Gloss لأول مرة شكيت انهم ممكن بيدوا لون تقيل كده زي اللى في الصور
وفي الاول اشتريت واحد بس قلت اجرب اللى هو vibrant pink

طبعا بعد ماشفته جبت باقي الالوان كلها وششششششششش 

اول مرة الصراحة الاقي جلوس لونه تقيل زي الوان الارواج بالظبط دايما بيبقوا بيدوا لمعة ولون خفيف
الالوان اهي واحكموا بنفسكوا 

Very me Mood Lip Gloss in Energy shock (Orange)

دا بقى قلت اجيب حاجة لونها برتقاني عشان الالوان اللى فوق مفيهاش اورنج الصراحة في الاول اتصدمت لانه طلع خفيف جدا مش بيدي لون اورنج تقيل زي ماكنت متوقعة منه زي اللى فوق بس دلوقتي مببطلش استخدمه رااااااااائع طعمه خطيييييييييير برتقان وبعدين بحطه على اي روج بيدي لون جميل قوي هو فيه اورنج خفيف بس انا بستعمله على شفايفي على طول برضه بيديها لون طبيعي جدا 

Nivea Ideal Finish Mousse Matt Foundation تجربة

Nivea Ideal Finish Mousse Matt Foundation

كريم الاساس نيفيا للبشرة الدهنية دا كان مع صحبتي وجربته منها عجبني جدا لاني لقيت ملمسه خطيررررر وناعم جدا على البشرة وخفيف زي الموس بالظبط وببص على العلبة لقيت كاتبين كده 

Perfect matt finish - light as air 

هو فعلا فعلا زي ماتكوني بتحطي هوا على بشرتك وبتحتاجي كمية بسيطة جدا لتغطية كاملة رائعة وبالنسبة لتأثير ال matte هو فعلا ماط ورائع لان بشرتي دهنية جدابالنسبة للتغطية فهو بجد بجد رائع وثبات التغطية بيقعد الحمد لله لفترة طويلة ممكن يعني بعد 8 ساعات تحتاجي تعدليه ببودر بس 

انا جبت درجة النود 02 وبنت خالي جابت درجة البيج 03

احنا جبناه من السعودية الصراحة معرفش موجود هنا ولا لأ بس اعتقد موجود في الصيدليات الكبيرة زي سيف وكده 

استخدام موس الشعر للتمويج واضافة الحجم

- الشعر لازم يكون مبلول ومتنشف بالفوطة

وبعدين حطي شوية ملء الكف من موس الشعر في ايدك 

ابتدي حطي الموس على الشعر ووزعيه بايدك بس ابتدي من الجذور اهم

قسمي شعرك اربع اقسام

وابتدي هاتي اطراف الشعر من كل قسم وادعكيها كويس قوي في الجذور زي مايكون بتغسلي شعرك بالشامبو (وطبعا لو لقيتي ان كمية الموس اللى حطتيها قليلة زودي)

يفضل وانتي بتدعكي كل قسم تكوني منزلة شعرك كله عكس الاتجاه يعني راسك لتحت عشان الجذور تدي حجم وانتي بتسرحيها بايدك عكس الاتجاه

الصورة للتوضيح فقط

- لفي كل قسم وثبتيه بتوكة وكمان ممكن تقسمي اكتر كل قسم لو عاوزة تموجات اكتر

( لو مستعجلة استعملي السيشوار وممكن على اقل درجة او عالبارد فقط للتنشيف وبرضه راسك تبقى تحت وشعرك عكس الاتجاه )

ممكن كمان تحطي الموس وتوزيعه على الشعر وبدل ما تعملي كيرلي تلفيه رولات كبيرة واستمتعي بالحجم بجد

وافضلوا ادعوا ربنا كتير شعركوا ميطلعش كده :D

او كده لا قدر الله :D

لا بجد استمتعوا بالتمويجة الحلوة :)

وده فديو ازااي استعمل الموس بتاع الشعر في عمل الكيرلي في البيت 

http://www.youtube.com/watch?v=e1Ahyxim__o

(ملحوظة اللى بيستخدمه ده اسمه ديفيوزر بيطلع هوا مش سخن لتصفيف الشعر وممكن برضوا مش تستخدموه)

أدوات المكياج والشعر من اوريفليم

دي صور عدة المكياج اللى اشتريتها من اوريفليم 

اول حاجة اشتريتها كانت اداة ثني الرموش دي

دي الاستبن بتاعت الحتة المطاط للجزء السفلي

في الاول معرفتش استخدمها وقلت ملهاش لازمة لكن شفت كذا فديو من على اليوتيوب زي ده

http://www.youtube.com/watch?v=rhyDCs88kqE

وعرفت استخدمها صح ازاي وطلعت النتيجة تحففففففففففة لدرجة اني بقيت استخدمها كل يوم ( بعد كده عرفت ان مينفعش استخدمها بشكل متواصل لان ده بياثر على الرموش جامد وبستخدمها في الخروجات المهمة ) 

------------------------------------------------------------------------------------------------------------

بعد كده جبت فرشة البودرة دي

خامتها حلوة قوي وشعرها بيمسك البودرة كويس وكمان بتوزع كويس قوي وكبيرة انا حبيتها الصراحة :)

-----------------------------------------------------------------------------------------------------------

اخر حاجة جبتها كانت فرشاة الروج والكونسيلر

الصراحة انا طول عمري بحط الكونسيلر بايدي او السفنجة لسه متعودتش بس الميزة الحلوة قوي اللى فيها انها بتاخد اقل كمية من الكونسيلر وبتوزعه كويس جدا وطبعا بستخدم الجزء بتاع فرشاة الروووووج لانه بيساعدني اوصل للكورنر بسهولة وبجد عاجباني خامات الفرش بتاعت مكياج اوريفليم جدا تحسي انها بروفيشنال بجد وكمان متينة 

------------------------------------------------------------------------------------------------------------

انا قلت اما اتجنن بقى واجيب فرشاة شعر واخترت دي 

بجد خامتها حلوة جدا والسنان بتاعتها اخرها قطعة رصاصي مدورة بتبقى حنينة جدا على الفروة غير ان الايد بتاعت الفرشاة والخامة ممتازة
بس عيبها الوحيد اني بحب اطلع الشعر من الفرشاة مع كل تسريحة وهو مبيطلعش منها بسهولة ( بشيله بمبرد الضوافر ) او لما يكون الشعر اللى متجمع فيها كتير ساعتها بس بيتشال بسهولة 

تجربة سو : بيتزا البطاطس + كاسترد الشيكولاتة بالبوريو

طبعا كان يوم انا عاملة فيه رجيم وعمالة اعذب نفسي بصور الاكل فقررت اني اعمل حاجة جديدة في يوم الفري بتاعي
قلبت وشفت بيتزا البطاطس ولقيتها اخترااااااااااع الصراحة وعجبني جدا جدا

بيتزا البطاطس

تجربتي : 

انا الصراحة استخدمت موتزاريلا مش جبنة شيدر قلت عشان تبقى بيتزا بيتزا يعني ولو اني اعتقد لني لو عملتها تاني هروح للشيدر عشان الصراحة طعم الموتزاريلا مكنش باين لان طعم الحاجات التانية كان اقوى منها
انا حطيتها في الفرن 20 دقيقة زي الوصفة ما قالت بس ده مخلاش البطاطس تستوى كانت محتاجة تقعد اكتر من كده كانت بتقرش شوية وحطيت الموتزاريلا في اخر خمس دقايق عشان لما تسيح متتحرقش
الطعم كان جميل بس طعم البطاطس مكنش باين من السوسيس قوي لانها كانت بتقرش اول حاجة وحسيت ان لو البطاطس مسلوقة ومهروسة كطبقة تحت الاكل كانت هاتبقى احلى بكتير
البطاطس عشان مكعبات لما جيت اقطع مربعات زي الشكل اللى في الالبوم مطلعش مظبوط فعشان كده قررت ابقى اجربها مهروسة فعلا
النتيجة : لازم تجربوها سريعة ولذيذة 

التجربة التانية : التحلية
برضه قررت اعمل الحلو يوم الفري وكنت عاوزة حاجة سهلة وفي السريع
حلو الكاسترد بالاوريو

انا جبت الكاسترد بالكاكاو وبعدين حسيت ان المقادير قليلة قوي وانا بعمله فقررت اني اخليه مقدار ونص عشان اعرف اخليه لاربع اشخاص
اللى انا زودته شوية كمان هو الكاكاو في الخليط اللى بيتحط على النار وبصراحة دي فلتت مني لان طعم الكاكاو زاد قوي كان حلو بس تقيل شوية يعني لما تعمله الخليط على النار ولقيتوه فاتح سيبوه زي ماهو ماتحاولوش تزودوا كاكاو زيي :)
 انا بقى حبيت احط التاتش بتاعتي وعملت كريم شانتي في خمس دقايق بكيس كريم شانتي دريم وزوقته ببسكوت بوريو وبرش شيكولاتة جلاكسي

طعمه طبعا كان جميل وبجد سريع لازم تجربوه وبعدين ابدعوا بقى في البسكوت والطبقات براحتكوا 

تجربة سو : Oriflame pure colour lipstick

النهاردة هنجرب 3 ألوان روج من اوريفليم
Oriflame pure colour lipstick
ودي صور الروج في الكاتلوج

 الألوان اللى اخترتها هي : Vintage rose - Warm fuschia - Radiant red
نبدأ بقى بشكل العبوة 

ودي الوان الروجات

التجربة : 

بالنسبة لي انا بعشق لون vintage rose بيدي لون طبيعي وردي والصور الصراحة مش مدياله حقه الروج كريمي الملمس وبيرطب الشفايف جدا وبالاضافة ان ريحته جميلة قويالصراحة السعر بتاعه حلو جدا بالمقارنة بروجات تانية في السوق زي تشاو وسيبل في نفس قيمة السعر ويمكن اغلي وكمان خامته الكريمي احلى بكتير منهم دي تجربتي سوووووووو وبس :)

تجربة موكا : ماسكرا أوريفليم 2 FX

المفروض على كلام الشركة عن الماسكرا دي في الكاتلوج ان الفرشة الاولانية للوك نهاري شوية للتسريح والتطويل والفرشاة التانية للوك اشد شوية وبتكثف الرموش اكتر واكتر
ودي كانت تجربتي مع الماسكرا 

ده شكل الفرشاة الاولى بتاعت اللوك النهاري

الفرشة الاولانية بتسرح كويس جدا و اكتر ماسكرا عرفت اسرح بيها

ودي شكل عيني من غير ماسكرا خالص 

ودي بعد ماحطيت من اول فرشاة

  

و الفرشة التانية بتكثف رموشي و منغير اي تكتلات
ودي بعد ماحطيت من تاني فرشاة

و يعتبر اكتر ماسكرا عرفت اظبطها كويس

و عايشة معايا بقالها كتير و باستعملها كل يوم

و سعرها معقول بالنسبة لاسعار الماسكرات التانية مش حساه فارق فرق كبير يعني