ممممممممممممم فكرت أني اشتري الماسكرا دي لسببين الأول لأن الماسكرتين اللى عندي (Artdeco - Avon super Curlious )اللى عندي قربوا يخلصوا والتاني لأن الاتنين بيكثفوا ويسرحوا كويس بس من زمان مشترش ماسكرا من اللى بتطول قوي ولقيت سعرها حلو قوي في الكاتلوج قلت اجربها وجبت اللون الأسود منها كود (24306)
وده شكلها عالطبيعة
صورتها جمب علبة مناديل لأن الصراحة شايفاها أطول عبوة ماسكرا شفتها في حياتي جايز مطولينها شوية عشان يثبتوا أنها بتستريتشششششششششششش كتييييييييييييير ولا ايه مش عارفة بس عامة شكلها عجبني بلونها الخارجي
بس الغريب اللى لاحظته ان فترة صلاحية بعد الفتح 4 شهور وأول مرة اشوف ماسكرا مدتها قصيرة كده اعتقد معظمهم 6 شهورلكن الصراحة زي ماهتشوفوا من الريفيو اعتقد اني هخلصها قبل الأربع شهور مايخلصوا
ده شكل عيني بالكونسيلر بس من غير حاجة خالص
انا رموشي طويلة للجنب و تحت يعني مش متنية خالص و مش اي ماسكرا او فرشاة ماسكرا تنفع معايا
التجربة :دي بعد ما حطيت اول طبقة من هايبر ستريتش ..
الصراحة اتوهمت بجد طولت رموشي و تنتها و اسودها تقيل بجد و ده من اول طبقة
و دي تاني طبقة حطتها ادتني كثافة شوية اكتر
مميزات التجربة :
- بتطول الرموش فعلا جدا زي ما قالوا
- بتسرح الرموش كويس
- لون اسود غامق جدا بجد
- سعرها كان حلو جدا لما اشتريتها
عيوبها :
- قصر مدة صلاحيتها بشكل غريب 4 شهور فقط من الفتح
- مبتكثفش الرموش بالدرجة المطلوبة
- حجم العبوة كبير نسبيا
لعمل عضوية http://goo.gl/86VTJ
No comments:
Post a Comment